पाल्पामा मोटरसाइकल दुर्घटना हुँदा १ जनाको मृत्यु भएको छ। आइतबार राति पाल्पाको रम्भा गाउँपालिका– १ स्थित कालीगण्डकी करिडोर सडकखण्डको भोवरमा ग १४ प ३७५ नम्बरको मोटरसाइकल
दुर्घटना हुँदा १ जना युवकको मृत्यु भएको हो। मृत्यु हुनेमा रम्भा–१ असेर्दीका २८ वर्षीय हेमन्त जिटी रहेको जिल्ला प्रहरी कार्यालय पाल्पाका प्रहरी निरीक्षक एवं प्रवक्ता श्रीराम भट्टले जानकारी दिए। मोटरसाइकल सडकदेखि करिब २०० मिटर तल खसेको प्रहरीले जानकारी दिएको छ। मृतक जिटीको शव परीक्षण लागि रामपुर अस्पताल लगिएको छ।