हिन्दु धर्मावलम्बीहरूले पिपलको रुखमा पानी चढाउने र पूजा गर्ने गर्छन् । यो पुरानो मान्यता हो । आस्था र विश्वास हो । सायद तपाईँले पनि पिपलको बोटमा पानी चढाउनु भएको होला । आखिर किन चढाइन्छ
त पिपलमा पानी ! के हुन्छ पिपलमा पानी चढाउँदा ? आज हामी यसै विषयमा जानकारी गराउने छौँ । हिन्दु धर्मावलम्बीले पिपलको वृक्षलाई भगवान् विष्णुको प्रतीक मानेर पूजा गर्छन् । पिपललाई धार्मिक, पौराणिक, आयुर्वेदिक एवम् वातावरणीय दृष्टिले महत्त्वपूर्ण वृक्षको रूपमा मानिन्छ । धर्मशास्त्रमा वर्णन भएअनुसार शनिबार
पिपलको परिक्रमा गरी पूजा गर्नु, दियो बाल्नु र जल चढाउनुलाई अति नै शुभ मानिन्छ । यसो गर्दा मनोकाङ्क्षा पुरा हुने विश्वास गरिन्छ । धर्मशास्त्र अनुसार वा पुराणमा उल्लेख भए अनुसार समुद्र मथनको
बेलामा देवी लक्ष्मी भन्दा अगाडि उनकी, अलक्ष्मी उत्पन्न भइन् अनि लक्ष्मीले श्री विष्णुको रूप धारण गरिन, जसबाट दिदी अलक्ष्मी रुष्ट बनिन् ।त्यसपछि यो सबै देखेर विष्णुले अलक्ष्मीलाई आफ्नो प्रिय
वृक्ष पिपलको वृक्षमा बस्न आदेश दिए । त्यसपछि देवी लक्ष्मीले पनि म प्रत्येक शनिबार तिमीलाई भेट्नका लागि पिपल वृक्षमा आउने गर्छु भनिन् भन्ने धार्मिक किंवदन्ती छ । यही कारण हरेक शनिबारका दिन
भगवान् विष्णु र देवी लक्ष्मी पिपलको वृक्षमा बस्छन् भन्ने मान्यता छ । विशेष गरी शनिबारका दिन विष्णु र लक्ष्मी पिपलमा वास गर्ने भएकाले सो दिन पिपलको पूजा गर्नु,
बत्ती बाल्नु तथा पिपलमा जल वा तेल चढाउँदा वा परिक्रमा गर्दा पुण्य प्राप्त हुन्छ र धनधान्य पिपलमा वास गर्ने भएकाले सो दिन पिपलको पूजा गर्नु, वृद्धि हुन्छ भन्ने विश्वास छ । पिपलको पूजा शनिबार मात्र गर्नुपर्दछ । भगवान् श्रीकृष्णले पनि पिपलको वृक्षलाई स्वयम् आफ्नो रूप बताएको कुरा गीतामा उल्लेख छ ।